في خطوة جديدة تعكس حرص الدولة على تراثها الحي، أعلن وزير السياحة والصناعات التقليدية، سفيان تقية، خلال افتتاح الدورة الرابعة عشرة لصالون الابتكار في الصناعات التقليدية عن مسار جديد لحماية المنتوجات التقليدية التونسية من التقليد سواء داخل البلاد أو خارجها.
وأكد الوزير أن تونس ستمنح علامة جودة وتميّز لأكثر من 60 منتوجًا تقليديا في بادرة هدفها الأساسي هو حماية أصالة المنتوجات ودعم الحرفيين والحرفيات اللي قاعدين يخدموا بإتقان وحب، وينفخوا الروح في التراث التونسي من الشمال للجنوب.
العلامة هاذي باش تكون بمثابة ختم رسمي يميز المنتوج التونسي الأصيل، ويحميه من النسخ والتقليد، خاصة في الأسواق العالمية وين الناس بدات تولي تقدر كل ما هو مصنوع باليد، ويحمل حكاية.
الخطوة هاذي ما هيش مجرد إجراء إداري، بل رسالة دعم للحرفي اللي يقعد بالساعات يخيط ينقش يطرز وينسج بيديه حاجة فيها روح تونس من قفصة للكاف من توزر لسليانة.
تبقى المهمة الأكبر في مرافقة أصحاب الحرفة بالتكوين، التمويل، والترويج، باش ما تبقاش العلامة مجرّد شهادة، بل تولّي باب رزق وأمل وانطلاقة جديدة للمنتوجات اللي تشبهنا وتحكي علينا.