وسط التحديات اللي تعيشها تونس، برزت مبادرة مميزة من مجموعة توانسة مقيمين في سويسرا، من بينهم ليليا الدريدي، شوقي الدرعاوي، لسعد الإمام وفادي بالطيب، قرروا يساهموا في تحسين النقل العمومي في بلادهم بطريقة عملية وجابوا حوالي 200 حافلة مستعملة في حالة ممتازة من شركة نقل سويسرية.
رئيس الجمهورية قيس سعيّد استقبلهم يوم السبت 14 جوان وأشاد بالجهود اللي بدؤوها من 2023، واعتبرها نموذج لحب الوطن بالفعل مش بالكلام المبادرة ما وقفتش عند الحافلات، بل شملت حتى قطع الغيار اللازمة للصيانة.
القيمة الحقيقية في أنّ هذه الحافلات مازالت تستعمل في سويسرا، يعني صالحة تماما وتمثل إضافة قوية للنقل العمومي خاصة في الجهات اللي تعاني من النقص.
لكن الطريق ما كانتش سهلة. سعيّد حكى على محاولات لتعطيل المبادرة وتغيير وجهة الحافلات لبلدان أخرى، ورغم هذا، أصر أصحاب المبادرة على إنجاحها، بإيمانهم في تونس وقدرتهم على صنع الفرق.
وخلال اللقاء دعا الرئيس إلى تسهيل الإجراءات للتونسيين بالخارج لأن دورهم في دعم البلاد يظل مهم، مهما بعدت المسافات.
هالمبادرة بسيطة وإنسانية تبين أن تونس مازالت تعيش في قلوب أولادها وين ما كانوا❤️
Tags:
أخبار