تونس – تخل بداية من غرة سبتمبر 2025 جملة من التغييرات الرسمية حيّز التنفيذ تخص التكوين للحصول على رخصة السياقة، وذلك في إطار تطبيق الأمر الحكومي عدد 510 لسنة 2021.
عقد تكوين إجباري بين المترشح ومدرسة السياقة
من أهم الإجراءات الجديدة إلزامية إمضاء عقد تكوين بين الشخص اللي يحب يتحصل على الرخصة ومدرسة تعليم السياقة. العقد هذا لازم يوقّعوه الطرفين قبل بداية الدروس، ويكون فيه تفاصيل واضحة على:
عدد ساعات التكوين المطلوبة.
التزامات الطرفين (المدرسة والمترشح).
شروط الدفع.
منع الانسحاب من التكوين أو تغيير المدرسة من غير سبب مقبول.
العقد هذا باش يكون جزء من الملف الرسمي اللي يتقدم للإدارة، ومطلوب باش تتمكن من اجتياز الامتحانات النظرية والتطبيقية.
ما تنجمش تبدل المدرسة بعد الإمضاء
حسب التصريحات، كي يمضي المترشح العقد ويقدّم الملف، ماعادش ينجم يبدّل المدرسة أو ينسحب من غير مبرر جدي، كيف مثلاً:
ظرف صحي طارئ.
أسباب عائلية قاهرة.
وفاة أحد المقربين، إلخ.
وهذا باش يقلل من الفوضى ويخلي العملية منظمة أكثر، لكن في نفس الوقت أثار جدل كبير بين المواطنين.
الجدل حول عدد ساعات التكوين
ما تمش تحديد عدد دقيق لساعات التكوين لحد الآن، أما فمّا مقترحات تتراوح بين 32 و54 ساعة رئيس المنظمة الوطنية لمؤسسات تعليم السياقة وضّح أن عدد الساعات لازم يكون مرن، حسب قدرة كل مترشح ومستوى استيعابه، وقال بالحرف:
"ماهوش معقول نفرضوا نفس الساعات على شخص ما يعرفش يسوق، وشخص عنده خبرة أو يتعلم بسرعة."
انتقادات للإجراءات الجديدة
فمّا أصوات تنتقد التشديد هذا، خاصة في فرض العقد الإجباري، وقالوا إنه ما يصيرش يكون موجود فقط في مدارس السياقة، وماهوش معمول به حتى في مراكز التكوين المهني أو الجامعات.
كما دعت المنظمة لمراجعة بعض البنود، خصوصًا إلّي تمنع المواطن من حرية الاختيار في تغيير المدرسة أو الانسحاب من التكوين.
الوثائق المطلوبة للحصول على رخصة السياقة بداية من سبتمبر 2025:
الملف باش يتضمن:
عقد التكوين ممضى مع مدرسة تعليم السياقة
شهادة طبية (ويمكن في المستقبل تولي شهادة من طبيب الشغل)
محضر لجنة العناية
صورتين شمسيتين
نسخة من بطاقة التعريف الوطنية